اين قلوبكم ؟ عندك يارب

فى مرة كنت حضرة القداس من اول القراءات وعينى مفتحة من اول القداس بس عقلى سرح شوية بسبب مشكلة صاحبتى

اللى حكتلى عليها امبارح, بس فوقت بسرعة وتابعت القداس من تانى وركزت اكتر بس ياخسارة ؟ موبيلى رن اصحابى

عاوزين يكلمونى خرجت اتكلمت ورجعت اركز , بس لقيت ان اللى جمبى بتسالنى عن الساعة وان البلوزة اللى لبساها فى

منتهى الشياكة فسالتنى عن المحل اعد اوصفلها المحل وبرضة ماعرفتش مكانة , المهم انى رجعت اكمل القداس بس اقول

اية لعقلى الناسى دا انا نسيت اقص المشروع بتاع مدارس الاحد واكتب المسرحية لما اكتب شوية وانا اعدة , ادة الشماس

بيقول ارفعوا قلوبكم لما الحق اقول ( هى عندك يارب ) ؟

انا : هى عندك يارب

ربنا : فين مش شيفها فى وسط القلوب المرفوعة يابنتى .

انا : لا ازاى يارب دور كويس ممكن تكون وراء قلب من القلوب المرفوعة .

ربنا : حاضر يابنتى فين فين , مفيش دورت وكل شى قدامى واضح قلبك مش موجود مع انك موجودة فى بيتى .

انا : معقولة ازاى اية يكون نسيتة فى البيت وماجبتهوش معايا , اية اللى انا بقولة دا انا اتلغبط خالص وبقيت خايفة ومتوترة , اية اللى حصلى .

ربنا : فكرى انتى لما دخلتى بيتى كان معاكى بس فى ثوانى مالقتهوش قدامى اقعدى مع نفسك وحاسبى نفسك واعترفى ضيعتى قلبك فين .

انا : انا لما دخلت كنت مركزة كويس اوى حتى بالامارة صومت من 12 بالليل واعترفت وجيت بدرى بس ؟؟؟؟؟

تفتكر الاحداث كلها وتقول :

انا : ياخبر هو عملها فيا المرة دى كمان ! ماسبنيش فى حالى ضحك عليا وخلى

قلبى مع ربى اول عشر دقائق والباقى خدة كلة لية , ايوة صح من اول السرحان

للمكالمة لسوال اللى جنبى للمسرحية, اقول اية يارب ولا ابص ليك ازاى بعد

اللى عملتة ؟ بجد مكسوفة جدا منك , حسة انى عريانة زى مادم وحواء عريانين

, بس انت غطتتهم بدمك الطاهر فغطينى انا كمان بجسدك ودمك واستر نى

بستر مظلتك ياربى والهى وفدينى سامحنى سامحنى وتوبنى اليك فاتوب انا

ماستهلش انا خاطية, بس انت الهى اللى فهمنى سامحنى .

ربنا : انا شفتة اهوة دلوقتى حالا بقى واضح عندى .

انا : اية هو دا يارب اللى شيفة وظهر عندك .

ربنا : قلبك اللى كان ضايع مانتى خلاص لقتية ورجعتية لما ندمتى واعترفتى وبكيتى بدموع التوبة غسلتى نفسك .

انا : بجد يعنى انت مسامحنى ومش واخد على خاطرك منى .

ربنا : بنتى انتى كنتى ميتة وعشتى , تايهة ولقيتك وفى حضنى هضمك ,

وبعبيتى اظلل عليكى , وبجسدى ودمى افديكى , ومش هدى فرصة لعدو

الخير يخطفك من مرعاى تانى .